ይህ ተከታታይ የቁርኣን ንባብ እና የተጅዊድ መማሪያ ት/ት በነቅረእ መስራችና ስራ አስኪያጅ በ ኡስታዝ ሙባረክ ደሳለኝ በ 3 ደረጃዎች ተከፋፍሎ የተዘጋጀ ሲሆን በዋናነት አማርኛን በትክክል ማንበብ ለሚችሉ ያለ ማንም አጋዥ ቁርኣንን የትም ቦታ ከፍተው በቀላሉ ማንበብ እንዲችሉ የሚረዳ በነቅረእ ዘመናዊ የቁርኣን ንባብ ትምህርት ቤት ውስጥ ሲሰጡ የነበሩ ቁርኣን ንባብን በቀላሉ የማስተማር ፅንሰ ሐሳቦችን በሙሉ ያካተተ ነው፡፡

ይህ፡ Quran lessons in Amharic level 1: የቁርኣን ንባብ ት/ት በአማርኛ ደረጃ 1፡ የዐረብኛ ፊደላት መማሪያ ት/ት ሲሆን በውስጡ ባካተታቸው 11 ምእራፎች እና 40 መማሪያ ቪድዮዎች የዐረብኛ ፊደላትን በብዙ ምሳሌ በታገዘ መልኩ ቀለል ባለ ሁኔታ ያስተምራል፡፡

በምእራፍ አንድ የዐረብኛ ፊደላትን በመጠሪያ ስማቸው በግርድፉ መለየትን ይማራሉ፡፡

በምእራፍ ሁለት ከ 3ቱ አሊፍ ፊደል ቤተሰቦች ጋር በደንብ ይተዋወቃሉ

በምእራፍ ሶስት ከከንፈሮቻችን የሚወጡ 4 የዐረብኛ ፊደላት ጋር በደንብ ይተዋወቃሉ

በምእራፍ አራት ከጉሮሮ የሚወጡ 6 የዐረብኛ ፊደላት ጋር በደንብ ይተዋወቃሉ

በምእራፍ አምስት ከኋለኛው ምላሳችን አካባቢ የሚወጡ 2 የዐረብኛ ፊደላት ጋር በደንብ ይተዋወቃሉ

በምእራፍ ስድስት ከመሃላኛው ምላስ አካባቢ የሚወጡ 3 የዐረብኛ ፊደላት ጋር በደንብ ይተዋወቃሉ

በምእራፍ ሰባት የምላሳችን ጫፍ ከላይኛው የፊት ጥርሶቻችን ውስጥ ጋር በሚኖረው መነካካት የሚፈጠሩ 3 የዐረብኛ ፊደላት ጋር በደንብ ይተዋወቃሉ

በምእራፍ ስምንት የምላሳችን ጫፍ ከላይኛው የፊት ጥርሶቻችን ጠርዝ ጋር በሚኖረው መነካካት የሚፈጠሩ 3 የዐረብኛ ፊደላት ጋር በደንብ ይተዋወቃሉ

በምእራፍ ዘጠኝ የምላሳችን ጫፍ ከታችኛው የፊት ጥርሶቻችን ውስጥ ጋር በሚኖረው መነካካት የሚፈጠሩ 3 የዐረብኛ ፊደላት ጋር በደንብ ይተዋወቃሉ

በምእራፍ አስር የምላሳችን ጫፍ ለላይኛው የፊት ጥርሶቻችን ቅርብ ከሆነው ላንቃ ጋር ሲገናኝ የሚፈጠሩ 3 የዐረብኛ ፊደላት ጋር በደንብ ይተዋወቃሉ

በምእራፍ አስራ አንድ ከ ዷድ - ض ፊደል ጋር ይተዋወቃሉ